قصتي امس مع التلقيح وخطاء الدكتوره ياربي رحمتك

بسم الله الرحمن الرحيم

كيفكم يا اخواتي الغاليات والله اني دائما ادعيلكم الله لايحرمني ولا يحرمكم من الذريه الصالحه يارب...


أأأه استغفر الله العظيم , امس سويت تلقيح الصناعي ماشيه على الجدول الي عطتني الدكتوره

بنتظام الابر والكلوميد وكل ما اخذت ابره اشطبها وكل ماكلت كلوميد شطبت يعني ماشاء الله

كنت منتظه المهم هي قالت لي ان عندي تصوير قبل امس الاثنين وعندي تصوير ثاني اليوم الاربعاء

جيتها يوم الاثنين شافت بويضاتي قالت حجمها حلو وعددهم حلو وبعطيك ابرة تفجير نسبه بسيطه موكل

الحقنه , المهم أخت الابره ورجعت لها امس العصر علشان تلقحني وهي جالسه تشتغل قلت لها

دكتوره طيب على كذا الدفستون متى اخذه قالت لي زي ماقلتلك بلورقه قلت ايه بس انتي

قدمت التلقيح والمفروض عندي تصوير بكره (الي هو اليوم الاربعاء) قالت ااااااايششششششششششششش

عندك تصويرين وكانت مره مفجوعه وجابنت ملفي وجلست تقرى وتقولي ليه ماقلتيلي قلت انا وش معرفني

انتي سويتيلي تصوير واعجبتك البويضات وقلتيلي خذي ابره تفجير قالت انا محووسه وعندي اشغال ليه متكلمتي

المهم قالت مافيه مشكله هو لو اني انتظرت لليوم (الاربعاء) الشي الوحيد اني ماكنت بعطيك ابرة تفجير

تخيلو يابنات نفسيتي والله كنت بابكي وان دموعي خلااااااااااااص قربت تنزل وارتفع ضغطي

لدرجة انها ماقدرت تدخل (الي يفتحون فيه عنق الرحم الحديد) بنات عورتني بشكل غير طبيعي

وانجرحت من داخل ونزل دم بليل لانها اضطرت انها تدخله بلقوة لاني كنت رافضه تمام انه يدخل كنت شاده نفسي بدون

ماحس والقهر ان حيونات زوجي تحسنت شوي والله جاني ضغط نفسي من كل الجهات ..

المهم بعد مانسدحت عندها ساعتين جتني تقول بعطيك جزء بسيط من الابره التفجيريه (حست بتانيب ضمير)

علشان البويضتين الصغار اذا مانزلوا ينزلون ويصير جماع اليوم الاربعاء وبكره الخميس هذي قصتي معها..

انا تعبت نفسيا حتى بعد ماجيت من عندها انقهرت من الغلطه هذي والحمد الله على كل شي

تذكرت الايه (وعسى ان تكرهوا شئ وهوخيرا لكم وعسى ان تحبواشئ وهو شرا لكم)

زوجي وهي والممرضه يقلون اني ادقق يقلون خلاص انسي صار الي صار بس داخلي مقهور بقوه

لاني انا فار التجارب (لا حول ولا قوة إلا بالله العلي العظيم)...

بنات فهموني وش الي قاعد يصير فيني مين ذنبه ووش اسوي والله اني ماشكيت لكم الا لاني اعرف ان

الشور عندكم اما زوجي زعلته امس من كثر ماعدت السالفه يقول تعوذي من الشيطان خلاص شي وصار وانتهى

وان شاء الله ربي يرزقني بلحمل اللهم امين .............